एकचत्वारिंशत् सामान्यतया प्रयुक्तानां औषधीनां, मधुमेह-हृदय-यकृत्-रोगाणां चिकित्सायाम् उपयुज्यमानानाम् षट्-सूत्राणां च मूल्यं सर्वकारेण न्यूनीकृतम् अस्ति। आवश्यकौषधीनां व्ययः सामान्यजनानां कृते न्यूनं एव भवेत् इति राष्ट्रियौषधमूल्यनिर्धारणप्राधिकरणस्य सभायां एषः निर्णयः स्वीकृतः। फार्माउद्यमेभ्यः निर्देशः प्रदत्तः यत् ते विभिन्नानां औषधीनां न्यूनीकृतमूल्यानां सूचनां तत्क्षणं प्रभावीरूपेण विक्रेतृभ्यः, संग्रह कर्तृभ्यः च प्रसारयन्तु। १० कोटिभ्यः अधिकाः मधुमेहरोगिणः सन्ति भारतं विश्वे सर्वाधिकप्रकरणीयदेशेषु अन्यतमम् अस्ति । एतेन मूल्यकमीकरणेन औषधानां, इन्सुलिनस्य च उपरि आश्रितानां रोगिणां महत् लाभः भविष्यति । “औषधानां, सूत्रीकरणानां च मूल्येषु परिवर्तनं एनपीपीए इत्यादीनां नियामकसंस्थायाः कृते एकप्रकारस्य नियमितकार्यम् अस्ति। वयं सुनिश्चितं कुर्मः यत् औषधानां अनुरूपमौल्यम् भवति ये जनसामान्यस्य कृते अत्यावश्यकाः सन्ति तथा च व्ययः समुचित एव तिष्ठति” इति एनपीपीए-संस्थायाः वरिष्ठः अधिकारी अवदत्।
