राज्यस्तरीयाधुनिकपुस्तकालये ननूरखेडादेहरादूने उत्तराखण्डसंस्कृताकादम्या: संस्कृतछात्रवृत्तिसम्मानकार्यक्रम: समायोज्यते।
अकादमी इत्यनेन शोधविद्यार्थिविज्ञापनपत्रे विज्ञापितनियमानुसारं राज्यस्य संस्कृतविषये NET इत्युत्तीर्णानां शोधछात्राणां आवेदनानि आमन्त्रितानि आसन्, यस्य फलस्वरूपं बहवः शोधछात्राः आवेदनं कृतवन्तः आसन्।आवेदनप्राप्तेः निर्धारिततिथ्याः अनन्तरम् , 17 शोधछात्राणां आवेदनपत्राणि शोधछात्रवृत्तिचयनसमित्या स्वीकृतानि। समितिद्वारा चयनितानां छात्राणां तथा राज्यस्य सर्वेषु संस्कृतविद्यालयेषु अध्ययनं कुर्वतां अनुसूचितजाति-जनजाति-छात्राणां कृते छात्रवृत्तिः प्रदत्ता भविष्यति । ——--“सचिव शिवप्रसादखाली”
वार्ताहर:- कुलदीपमैन्दोला हरिद्वारं
उत्तराखण्डसंस्कृताकादमी राज्यस्य द्वितीयाराजभाषाया: संस्कृतस्य प्रचारार्थम्, उच्चशिक्षातः संस्कृतविद्यालयेषु संस्कृतविषयेषु च अध्ययनं कुर्वतां संस्कृतछात्राणां व्यक्तित्वविकासं च प्रवर्धयति । शोधकार्यं कुर्वतां शोधछात्राणां मध्ये रुचिं जनयितुं तद्दृष्ट्या च अनुसूचितजाति-अनुसूचितजनजाति-वर्गस्य ५२ छात्राः प्रथमतः उच्चमध्यमवर्गपर्यन्तं (वर्ग-८ तः १२) यावत् अध्ययनं कुर्वन्तः ४८ बालिकाछात्राः माध्यमिकसंस्कृतविद्यालयेषु च राज्ये आहत्य १०० छात्राः – चतुःलक्षं नवषष्टिसहस्रषट्शतरूप्यकाणां छात्रवृत्त्या सह राज्यस्य उच्चशिक्षासंस्थासु पञ्जीकृतानां संस्कृतविषयेषु आहत्य १७ शोधछात्राणां कृते नेट् इत्यस्यां परीक्षायां सर्वाधिकं अंकं प्राप्तुम् षड्लक्षाशीतिसहस्ररूप्यकाणि वार्षिकछात्रवृत्तिः अकादम्या दीयते।
अकादमीसचिवेन शिवप्रसादखालीवर्येण विज्ञापितं यत् बुधवासरे प्रातः १० वादनात् राज्यस्तरीयाधुनिकपुस्तकालये ननूरखेडादेहरादूने कार्यक्रम: समायोज्यते। यस्मिन् राज्यस्य माननीयः संस्कृतशिक्षामन्त्री डॉ. धनसिंहरावतः अनुसूचितजातिजनजातिछात्रेभ्य: च राज्यस्य संस्कृतविद्यालयेषु अध्ययनं कुर्वन् उच्चशिक्षासंस्थासु संस्कृतसंशोधनविद्वद्भ्यः छात्रवृत्तिः मानधनं च प्रदास्यति । अकादमी इत्यनेन शोधविद्यार्थिविज्ञापनपत्रे विज्ञापितनियमानुसारं राज्यस्य संस्कृतविषये NET इत्युत्तीर्णानां शोधछात्राणां आवेदनानि आमन्त्रितानि आसन्, यस्य फलस्वरूपं बहवः शोधछात्राः आवेदनं कृतवन्तः आसन्।आवेदनप्राप्तेः निर्धारिततिथ्याः अनन्तरम् , 17 शोधछात्राणां आवेदनपत्राणि शोधछात्रवृत्तिचयनसमित्या स्वीकृतानि। समितिद्वारा चयनितानां छात्राणां तथा राज्यस्य सर्वेषु संस्कृतविद्यालयेषु अध्ययनं कुर्वतां अनुसूचितजाति-जनजाति-छात्राणां कृते छात्रवृत्तिः प्रदत्ता भविष्यति।
अकादम्याः कोषाध्यक्षः सत्येन्द्रप्रसादडबरालः अवदत् यत् एतादृशैः कार्यक्रमैः संस्कृतशिक्षां प्राप्य प्रत्येकं छात्रं समानरूपेण सक्षमं कर्तुं प्रयत्नाः कर्तुं शक्यन्ते संस्कृतभाषा कस्यापि वयसः, वर्गस्य, जातिविशेषस्य वा भाषा नास्ति अपितु सार्वजनिकभाषा च संस्कारस्य भाषा विद्यते । अद्यतनकाले प्रत्येकस्मिन् खण्डे संस्कृतभाषायां निहितं ज्ञानं विज्ञानं च सर्वसामान्यजनपर्यन्तं संरक्षितुं, प्रवर्धयितुं, प्रसारयितुं च प्रतिज्ञां ग्रहीतुं आवश्यकता वर्तते।