वार्ताहरः – कुलदीपमैन्दोला हरिद्वारं।
उत्तराखण्डसंस्कृतविश्वविद्यालये उत्तराखण्डसंस्कृत-अकादमीद्वारा जनपदीसंस्कृतछात्रप्रतियोगिता: समायोजिता: अभवन् । कनिष्ठवर्गप्रतियोगितायां विधायकः अदेशचौहानः, संस्कृतसहायकनिदेशकः डॉ.वाजश्रवा-आर्यः, गुरुकुलमहाविद्यालयस्य उपाचार्य: संकल्पदेवः दीपं प्रज्ज्वाल्य शुभारम्भं कृतवन्त: । विधायकः आदेशचौहानः उक्तवान् यत् संस्कृतभाषा केवलं ‘भाषा’ एव नास्ति, इयं मूल्यानां जननी अस्ति।भारतस्य परिचयः संस्कृतेन संस्कृत्या च अस्ति।सः मण्डलस्तरस्य भागं गृह्णन्तः सर्वेभ्यः प्रतिभागिभ्यः अभिनन्दनं कृतवान्, अपि च आह्वानं कृतवान् यत् ईश्वरभाषायाः विकासः भवतु।संस्कृतप्रचारे स्वस्य महत्त्वपूर्णां भूमिकां निर्वहन्तु। संस्कृतं जनसामान्यं प्रति नेतुम् सर्वेषां सहभागिनां शिक्षणसंस्थानां च दायित्वम् अस्तीति। अस्मिन् अवसरे सहभागिनः सम्बोधयन् सहायकनिदेशकः डॉ. वाजश्रवा आर्यः अकादमीद्वारा संस्कृतभाषाप्रचारे क्रियमाणस्य कार्यस्य प्रशंसाम् अकरोत्, प्रतिभागिभ्यः च प्रोत्साहनं दत्तवान्।तथापि संस्कृतव्यतिरिक्तसामान्यविद्यालयेभ्यः छात्राः भागं गृह्णन्ति इति उक्तवान्। एतेन ज्ञातं यत् अद्यत्वे अपि संस्कृतम् जनानां प्रत्येकमनसि प्रचलति अद्यत्वे संस्कृतस्य प्रचारस्य अपि च तस्य स्वीकरणस्य आवश्यकता वर्तते।
गुरुकुलमहाविद्यालयस्य ज्वालापुरस्य उपप्रोफेसरः संकल्पदेवः अवदत् यत् संस्कृतभाषा स्वतः वैज्ञानिकभाषा अस्ति, सा सरला सुरुचिपूर्णा भाषा अस्ति तथा च यथा यथा एतस्याः भाषायाः समीपं गच्छन्ति तथा तथा सुखस्य भावः प्राप्यते।