पोलैण्डदेशस्य राज्यमन्त्रिणा व्लादिस्लाव् टी. बार्तोशेव्स्की भारतस्य प्रधानमन्त्री श्रीनरेन्द्रमोदिनः भूमिकायाः उच्चप्रशंसा कृता। तेन उक्तं यत् वर्षे २०२२ तमे युक्रेन-सङ्कटकाले रूसदेशस्य राष्ट्रपतिं व्लादिमीर् पुटिन् सामरिक-परमाण्वस्त्र-प्रयोगात् निवर्तयितुं प्रधानमन्त्री मोदी महत्त्वपूर्णां भूमिकां निर्वाहितवान्।
भारतभ्रमणे स्थितः पोलैण्डमन्त्री अवदत् यत् राष्ट्रपतिः पुटिन् प्रधानमन्त्री मोदीनः वचनं गम्भीरतया शृणोति। विश्वे अल्पसंख्याकाः एव नेतारः सन्ति, ये पुटिन्-महोदयम् प्रभावितुं शक्नुवन्ति। तेषु प्रधानमन्त्री नरेन्द्रमोदी प्रमुखेषु अन्यतमः इति तेन स्पष्टम् उक्तम्।
मन्त्री महोदयः अवदत् यत् भारतस्य रूसदेशेन दीर्घकालिकः मैत्रीसम्बन्धः अस्ति। एषः सम्बन्धः शान्तिस्थापनाय तथा संवादस्य प्रोत्साहनाय अत्यन्तम् उपकारकः भवति। युक्रेन-सङ्कटस्य समाधाने भारतस्य भूमिका महत्त्वपूर्णा भविष्यति इति तस्य मतम्।
अस्मिन् अवसरः पोलैण्डदेशेन भारतेन सह सम्बन्धानां अधिकविकासे विशेषरुचिः अपि प्रकटिता। उभौ देशौ रक्षाक्षेत्रे, अन्तरिक्षविज्ञाने, साइबरसुरक्षायाम्, विज्ञाने, प्रौद्योगिक्यां, व्यापारे, निवेशे च सहकार्यं वर्धयितुम् इच्छतः।
दिल्लीनगरे उभयदेशयोः प्रतिनिधिभिः विविधविषयेषु फलप्रदाः चर्चाः कृताः। विशेषतः रक्षासहयोगः, अन्तरिक्षप्रौद्योगिकी, समुद्रसुरक्षा, संयुक्त-उत्पादनम् (Made in India तथा Made in Poland), आधुनिकप्रौद्योगिकी-विनिमयः इत्यादयः विषयाः चर्चिताः।
पोलैण्डदेशः स्वीयां प्रौद्योगिकीं भारतेन सह साझा कर्तुम् इच्छति। विशेषतः रक्षोपकरणनिर्माणे संयुक्त-उद्योगानां स्थापनाय अपि प्रस्तावः कृतः। मन्त्री उक्तवान् यत् एतत् सहकार्यस्य नूतनम् अध्यायः भविष्यति।
उभौ देशौ वर्षयोः २०२४–२०२८ कृते पञ्चवर्षीय-कार्ययोजनाम् अङ्गीकृतवन्तौ। अस्याः योजनायाः अन्तर्गतं व्यापारः, निवेशः, साइबरसुरक्षा, ऊर्जा, खननम्, जलवायुपरिवर्तनम्, विज्ञानम्, प्रौद्योगिकी च प्रमुखक्षेत्राणि भविष्यन्ति।
पोलैण्डदेशः आपूर्तिशृङ्खलानां (Supply Chains) सुदृढीकरणे विशेषं बलं ददाति। विश्वे विश्वसनीयैः सहकार्यैः सह आर्थिकविकासः करणीयः इति तस्य मतम्। भारतः पोलैण्डश्च उभौ द्रुतगत्या आर्थिकविकासं कुर्वन्तौ स्तः। अतः परस्परविश्वासेन सहकार्यविस्तारः उभयदेशयोः हिताय भविष्यति इति पोलैण्डमन्त्रिणा प्रतिपादितम्।
पोलैण्डस्य वक्तव्यम् भारतस्य वैश्विककूटनीत्याः प्रभावं पुनरेव प्रकाशयति। प्रधानमन्त्री नरेन्द्रमोदिनः संवादप्रधाना विदेशनीतिः तथा विश्वशान्तेः प्रति भारतस्य प्रतिबद्धता अन्तर्राष्ट्रीयसमुदाये प्रशंसाम् अवाप्नोति।
